Uncategorized

Məlum olduğu kimi Azərbaycan Respublikasında fəaliyyət göstərən banklarda informasiya təhlükəsizliyinə dair minimum tələbləri özündə ehtiva edən “Banklarda informasiya təhlükəsizliyinin idarə edilməsi Qaydası” 2022-ci il 1 aprel tarixindən qüvvəyə minmişdir. Bu istiqamətdə aparılan işlərin davamı olaraq, Dünya Bankı Qrupunun üzvü olan Beynəlxalq Maliyyə Korporasiyasının (IFC) dəstəyi ilə Mərkəzi Bank tərəfindən 2023-2026-cı illər üzrə “Maliyyə bazarlarında kibertəhlükəsizlik Strategiyası” (Strategiya) hazırlanaraq təsdiqlənmişdir.

2023-2026-cı illər üçün “Maliyyə bazarları üzrə kibertəhlükəsizlik Strategiyası”nın başlıca məqsədi Azərbaycan Respublikasının Mərkəzi Bankı və ölkədə fəaliyyət göstərən maliyyə institutlarında informasiya təhlükəsizliyinin və kibertəhlükəsizliyin gücləndirilməsi, o cümlədən müasir dövrün kibertəhlükəsizlik təhdidlərinin və kiberhücumların qarşısının daha effektiv alınması üzrə əsas fəaliyyət istiqamətlərinin müəyyən edilməsidir.

Bu Strategiyanın vizyonu maliyyə sabitliyinin təmin edilməsi məqsədilə artan kibertəhdidlər fonunda ölkənin maliyyə bazarlarında kiber dayanıqlığın gücləndirilməsidir. Odur ki, Strategiya özündə beş strateji prioritet üzrə fəaliyyəti əhatə edərək maliyyə bazarlarında dayanıqlı kibertəhlükəsizlik mühitinin formalaşdırılmasını hədəfləmişdir: (i) Maliyyə bazarlarında informasiya təhlükəsizliyi və kibertəhlükəsizlik üzrə tənzimləmə və nəzarət çərçivəsinin gücləndirilməsi; (ii) Maliyyə bazarlarında kiber risklərin idarə edilməsi mədəniyyətinin gücləndirilməsi; (iii) Maliyyə bazarlarında kibertəhlükəsizlik səviyyəsinin gücləndirilməsi məqsədilə informasiya texnologiyalarının idarəetmə çərçivəsinin formalaşdırılması; (iv) Maliyyə bazarlarında kiber dayanıqlığın gücləndirilməsi; (v) Maliyyə bazarlarında informasiya təhlükəsizliyi və kibertəhlükəsizlik mədəniyyətinin formalaşdırılması.

Kiber Təhlükəsizlik Platforması nəzdində fəaliyyət göstərən Kibertəhlükəsizlik Akademiyasının təlim-tədris metodlarının inkişafı, bu sahə ilə maraqlanan şəxslərin və gənclərin peşəkar bacarıqlarının artırılması istiqamətində silsilə maarifləndirici təlim proqramı may ayında da təşkil olunmuşdur. Belə ki, sözügedən təlim proqramı 11 may 2023-cü il tarixində saat 15:00-da Sənaye və İnnovasiyalar üzrə Bakı Dövlət Peşə Təhsil Mərkəzində təşkil olunmuşdur.

Təlim proqramının açılış nitqini Kiber Təhlükəsizlik Platformasının təsisçi və icraçı direktoru Sahin Aliyev edərək, öz təcrübələrini və bu sahə üzrə lazımi bilikləri gənclərimizlə paylaşmış, həmçinin onlarla birlikdə bu sahədə əmək bazarının tələblərinə aid bəzi aktual mövzuların təhlilərini aparmışdır.

Növbəti çıxış üçün söz Kibertəhlükəsizlik Akademiyasının cari ildə məzunu olmuş Islam Aslanlı -ya verilmişdir. O da öz növbəsində zərərli proqramlar, onlardan qorunma üsulları və baş verən kiberhücumlar haqqında öz bilik və təcrübəsini gənclərlə bölüşmüşdür.

Məzun günümüzdə tələbələrimiz ilə birlikdə dəyərli qonağımız SOCAR Downstream şirkətinin Rəqəmsallaşdırma və IT üzrə meneceri hörmətli Bora Engin bəy iştirak etmişdir. Qonağımız iştirak zamanı gənclərimizə kibertəhlükəsizlik sahəsində iş və karyera haqqında bir çox dəyərli məsləhətlər vermiş bununla yanaşı gənclərimizə gələcək karyeralarında uğurlar arzulamışdır. İştirakı ilə bizləri sevindirən hörmətli Bora bəyə təşəkkür edir, məzunlarımızın hər birini səmimi qəlbdən təbrik edirik

Kiber Təhlükəsizlik Platforması (KTP), Bakı Gənclər Mərkəzi (BGM) və Azərbaycan Kibertəhlükəsizlik Təşkilatları Assosiasiyasının (AKTA) birgə təşkilatçılığı ilə “Kiber Kafe – 2023” kibertəhlükəsizlik şəxsi inkişaf və təlim proqramı adlı tədbir 14 aprel 2023-cü il tarixində keçirilib. Bakı Gənclər Mərkəzində baş tutan tədbir “Aselsan Baku”, “Allsafe Kibertəhlükəsizlik”, “ÖzGədəbəy” şirkətlərinin sponsorluğu və Azərbaycan Texniki Universitetinin, “Creative Developers Club” və “Pringberg” şirkətlərinin texniki-təşkilati dəstəyi ilə həyata keçirilib.

Metbuat.az xəbər verir ki, vətənimizin və xalqımızın təhlükəsizliyi naminə şəhid olanların əziz xatirəsi bir dəqiqəlik sükutla yad olunub. Dövlət himni səsləndirildikdən sonra tədbirin açılış hissəsində Bakı Gənclər Mərkəzinin direktoru xanım Nərgiz Babayeva, Kiber Təhlükəsizlik Platformasının təhsisçi və icraçı direktoru Şahin Alıyev, AKTA-nın idarə heyətinin sədri Elvin Balacanov, Aselsan Baku şirkətinin icraçı direktoru Özgür Kürüm, Azərbaycan Respublikası Xüsusi Rabitə və İnformasiya Təhlükəsizliyi Dövlət

Xidmətinin şöbə rəisi Nadir Novruzov, “Prosol” QSC-nin həmtəsisçisi Babək Ağayev, “İnterprobe” şirkətinin informasiya təhlükəsizliyi şöbəsinin rəhbəri Mahir Yüksel, “Karmasis Azərbaycan” şirkətinin icraçı direktoru xanım Berna Baysal və Azərbaycan

Respublikasının Milli Məclisinin deputatı Vüqar İskəndərov çıxış ediblər. Natiqlər tədbirin əhəmiyyətini, gənclərin kibertəhlükəsizlik sahəsinə maraqlarının günügündən artmasını, dövlət-özəl və ictimai təşkilatlar tərəfindən sözügedən sahədə aparılan işlərdə fəal iştirakını, qanunvericilik və perspektiv imkanları qeyd ediblər. Tədbirin ikinci hissəsində informasiya texnologiyaları, kibertəhlükəsizlik sahəsində müxtəlif qurumların nümayəndələrinin panel iştirakı ilə önəmli informasiya təhlükəsizliyinin qorunması istiqamətində peşəkar inkişafa aid mövzulara toxunularaq birgə müzakirələr aparılmışdır.

Tədbirdə müzakirəyə çıxarılmış mövzuların əhəmiyyəti əsasən gənclərin kibertəhlükəsizlik sahəsində gələcək fəaliyyətlərinə, onların xüsusi istedad və bacarıqlarını kəşf edib, həmçinin onların tanıdılmasına dəstək olmaq idi. Tədbir çərçivəsində ümumən 400-ə yaxın iştirakçının və 18 məruzəçi-ekspertin iştirakı ilə müxtəlif interaktiv sorğular-müzakirələr keçirilmiş, kibergigiyena, kibercinəyatkarlıqla mübarizə, kiber-mühit, sosial və idarəçilik təcrübələrinə aid sorğular xüsusi olaraq maraq kəsb etmişdir.

Kiber Təhlükəsizlik Platforması Tech.az-a istinadən bildirir ki, “Whatsapp” messenger proqramınının fəaliyyətində problem yaranıb. Aldığımız son məlumatlara görə, istifadəçilərdə Whatsapp işləmir. Serverdə yaranmış problemə görə mesajlar getmir

Bu barədə istifadəçilər sosial şəbəkələrdə yarım saatdan çoxdur ki, xidmətdə problem yarandığını və messencer vasitəsilə mesajlar göndərə bilmədiklərini bildirirlər.

Problemin qlobal miqyas daşıdığı və dünyanın bir sıra ölkələrində müşahidə olunduğu bildirilir. Problemin dəqiq səbəbləri bilinməsə də, qısa müddət ərzində həll olunması gözlənilir. Məsələ ilə bağlı Whatsapp hələlik rəsmi açıqlama verməyib. 

Dəyərli izləyicilərimiz bildiyiniz kimi təşkilatçı olduğumuz “HackBaku” Milli Kibertəhlükəsizlik Yarış Proqramı uğurla sona çatmışdır. Bu yarışa ölkəmizin müxtəlif bölgələrindən tələbələr qatılmış və xüsusən universitet tələbələrinin mübarizəsi getmişdir. 2-ci kateqoriya “BUG BOUNTY” üzrə yarışan 3 nəfər arasından Kiber Təhlükəsizlik Platformasının məzunu Elşən Paşayev olmuşdur. O yarışın 2 dövrəsində bu yarışa özəl anlaşmalı web test bazası verilən “Keepface” platformasında tapdığı boşluqla yarışı öncə tamamlayaraq birinci yerə sahib olmuşdur. Tələbəmiz olmuş Elşən Paşayevə Kiber Təhlükəsizlik Platforması adından uğurlar arzu edirik.

Kiber Təhlükəsizlik Platformasının təşkilatçılığı ilə HackBaku milli Kibertəhlükəsizlik yarışması baş tutdu. Yarışma proqramı 3 əsas istiqamətdə “CTF”, “Fikir yarışması” və “Bug Hunter” yarışması olaraq həyata keçirilib. Sonda qalib olan iştirakçılara dəyərli hədiyyələrin təqdim edilib. #kibertəhlükəsizlik #hackbaku #kiberplatforma #hacker #sibergüvenlik #kiber

Kiber Təhlükəsizlik Platforması və Baku Youth CenterKarmasis Azerbaycan, YER Hosting və Gais Cyber Security Kibertəhlükəsizlik Şirkətinin əsas sponsorluğu ilə reallaşdırılan HackBaku Milli Kibertəhlükəsizlik Yarış Proqramı ölkəmizdə ilk genişmiqyaslı yarış olaraq ilkə imza atdı. Ölkəmizin ən güclü gənc hackerləri öz bacarıqlarını üç yarış proqramında sınadılar. Bu yarış proqramları “CTF” “BugBounty” və “Fikir Yarışması” oldu. Ümumilikdə 20 finalçının iştirak etdiyi yarışda “CTF” üzrə 1-ci yer Beyrak, 2-ci yeri Emil Farzaliyev, 3-cü yeri isə Elvin Amanov qazandı. Digər yarış “Bug Bounty” qalibi isə gənc yetənək Elshan Pashayev oldu. Digər yerləri Azar Malikov və Asim Verdiyev bölüşdülər.

Xatırlatmaq istəyirik ki, “CTF” yarış proqramının professional infrastrukturu, Gais Cyber Security kibertəhlükəsizli şirkətinin kibertəhlükəsizlik mütəxəssisləri və bu mütəxəsisslərə rəhbərlik edən Türkiyənin sayılıb seçilən kibertəhlükəsizlik mühəndisi Numan Turle tərəfindən qurulmuşdur. “Bug Bounty” yarış proqramının təşkilində əsas pay sahibi tərəfdaşımız Albanian Cyber Association və FINDBUG.IO Bug Bounty firmasına və şəbəkə infrastrukturunun təşkilində bizlərə dəstək olan RABALON AZERBAIJAN şirkətinə təşəkkür edirik.

Platformamızın təşkil etdiyi “HackBaku”da əməyi keçən könüllülərimizə, təşkilati və texniki komanda heyətinə və xüsusən bu yarış proqramında iştirak edən spiker qonaqlarımız Shahin Aliyev, Atıl Samancıoğlu, Osman Doğan, Tanzer Abazi, Ayaz Karimov, Zafar Mammadov, Berna Baysal, Raqif Qasimov, Ramin Iskandarova dərin minatdarlığımızı bildirir, video üçün media dəstəkçimiz Tech.az təşəkkür edirik.

Biz Kiber Təhlükəsizlik Platforması olaraq öz gənclərimizlər birgə bundan sonrada layihələr və xüsusi proqramlarla ölkəmizdə bu sahənin inkişafına əlimizdən gələn dəstəyi verəcəyik.

Kiber Təhlükəsizlik Platformasının təşkilatçılığı ilə keçirilən “HackBaku” milli kibertəhlükəsizlik yarış proqramının iştirakçı qeydiyyat mərhələsi uğurla yekunlaşmışdır . Ümumi 215 qeydiyyatçı içindən 147 şəxs iştirakçı seçim mərhələsinə qatılmağa haqq qazanmışdır. Bu mərhələdə müsahibəni uğurla başa vuran könüllülər yarış hazırlıq prosesinə, yarışçılar isə 15 oktyabrda keçiriləcək ilk yarış seçim turuna iştirak haqqı qazanacaqdır. Nəzərinizə çatdırırıq ki, ilk yarış turu 15 oktyabr tarixində saat 21:00-da yarışın sponsoru “Gais” Türkiyə Kibertəhlükəsizlik Şirkətinin dəstəyi ilə birgə qurulan xüsusi CTF platforma üzərindən online şəkildə keçiriləcəkdir.

Hörmətli izləyicilərimiz 21-22 oktyabr ilki paytaxdımızda keçiriləcək genişmiqyaslı kibertəhlükəsizlik yarış proqramı “HackBaku” 2022-nin ilk iştirakçı qeydiyyat mərhələsinə start veririk. Diqqətinizə çatdırmaq istəyirik ki, qeydiyyat mərhələsi sabah saat 09:00-yarışın keçiriləcəyi məkan Bakı Gənclər Mərkəzində olacaq.

Kiber Təhlükəsizlik Platforması tərəfindən təşkil olunacaq bu yarış proqramı 3 mərhələ olmaqla, 1 seçim tur mərhələsi və 2 əsas mərhələdən ibarət olacaqdır. Komandalar bu mərhələlərdə yarışmaya başlayaraq sonda finala qədər mübarizə aparırlar. Onlayn seçim turunu uğurla tamamlamış 6 komanda yarımfinal mərhələsinə keçəcək. Mərhələni keçən 6 komandadan 3 ən yaxşı komanda isə əsas mərhələ – HackBaku 2022 final mərhələsinə vəsiqə qazanacaq.

Bu yarışma proqramı 3 əsas istiqamətdə CTF,  Fikir yarışması və Bug Hunter yarışması olaraq həyata keçiriləcək. Qeyd edək ki,  “HackBaku” ilk olaraq Bakıda keçiriləcək. Yarışın sonrakı illərdə regionlarımızda da təşkil olunması nəzərdə tutulub. Hal hazırda ilk yarış ümumi 10 komanda (4 komanda regionlarımızdan seçilib yarış üçün dəvət ediləcək) olmaqla, 60 yarış iştirakçısı ilə Oktyabr ayının 15 saat 21.00-da onlayn, Yarımfinal və Böyük Final mərhələsi Oktyabr ayının 21, 22-si Gənclər və İdman Nazirliyinin Bakı Gənclər Mərkəzində keçiriləcək.