Əziz və izləyicilərimiz, Platformamızın 2022-ci ilin yekun hesabat məlumatlarını sizinlə paylaşırıq.
İl ərzində gənclərin kibertəhlükəsizlik sahəsində inkişafına dəstək olmaq üçün Platformamızın peşəkar mütəxəssisləri, təlimçiləri və tərəfdaşları ilə birgə ümumilikdə 4 müxtəlif tədbir, 6 layihə, 10-dan çox təlim həyata keçirilmişdir. Ümumilikdə Platformamız 2022-ci il üçün 3 əsas, 2 köməkçi fəaliyyət strukturu və 3 böyük mərkəzi ilə Akademiya daxilində 60-a yaxın seçilmiş tələbə qəbulu reallaşdırmış və ümumilikdə 48 məzun vermişdir. Məzunlarımızın karyera və inkişafına dəstək proqramı çərçivəsində 15-dan çox yüksək nəticə toplamış məzunlarımız tərəfdaşlarımız və dəstəkçilərimiz tərəfindən aparılan tələbə staj proqramına daxil edilmiş və onların içində 9 ən uğurlu tələbəmiz kiçik mütəxəssis olaraq işə qəbul olmuşdur.

Kibertəhlükəsizlik Laboratoriyası olaraq, bu sahədə fəaliyyət göstərən gənclərin inkişafına dəstək olmaq məqsədi ilə müxtəlif təlim proqramları təşkil olunmuş və real keyslər üzərində qapalı hücum-müdafiə laboratoriya fəaliyyətləri aparılmışdır. Bu fəaliyyətlər əsasən, universitetlər və xüsusi təhsil mərkəzləri ilə birgə, Bakı Dövlət Universiteti Sabah Qrupları, Azərbaycan Dövlət Neft və Sənaye Universiteti, Azərbaycan Dövlət İqtisad Universiteti, Milli Aviasiya Akademiyası, Elm və Təhsil Nazirliyi Sumqayıt 1 saylı Gənclər Mərkəzi, Gənclər və İdman Nazirliyi Bakı Gənclər Mərkəzi və digər müəssələrdə reallaşdırılmışdır.

Kiber Təhlükəsizlik Platforması ölkəmizdə ilk dəfə keçirilən Teknofest Azərbaycan layihəsində 5 kibertəhlükəsizlik mütəxəssis komanda üzvü ilə ölkənin yeganə kibertəhlükəsizlik təşkilatı olaraq iştirak etmişdir. 2022-ci il oktaybr ayında ölkənin ən genişmiqyaslı kibertəhlükəsizlik yarış proqramı HackBaku 2022-nin əsas təşkilatçısı olaraq  tarixində ən böyük layihəyə imza atmışdır. Bununla yanaşı Türkiye Siber Güvenlik Kümelenmesi, Siber Vatan, Picus, Bug Bounter Türkiye ilə birgə müxtəlif növ təlimlər təşkil edilmişdir. Köməkçi fəaliyyət strukturlarımızdan olan Creative Developer Club tərəfindən reallaşdırılan 4 təlim proqramı ilə 30-a yaxın şəhid, qazi ailəsinə təlimlər verilmişdir.

Akademiyanın infrastrukturunun genişləndirilməsi və təlimçi potensialının artırılması məqsədi ilə 2 yeni təlim proqramı ,3 yeni təlimçi ilə Platforma təhsil bazasını artırmış, bu sahədə fəaliyyət göstərən 6-ya yaxın yeni korporativ əməkdaşlığa imza atmışdır. Platformamız beynəlxalq təcrübələri inkişaf etdirmək məqsədi ilə apardığı portnyorluq və tərəfdaşlıq fəaliyyəti çərçivəsində Albaniya Kibertəhlükəsizlik Assosiasiyası, FindBug ilə əməkdaşlıq yaratmış CompTİA Hesablama Texnologiyaları Sənayesi Assosiasiyası ,Elektron Ticarət Məsləhətçiləri Beynəlxalq Şurasının (The International Council of Electronic Commerce Consultants – EC-Council) rəsmi olaraq beynəlxalq təsdiq edilmiş akademiya partnyoru seçilmişdir. Platformamız 2022-ci ilin sonlarına doğru ölkəmizdə kibertəhlükəsizlik ekosisteminin inkişafına dəstək məqsədilə yaradılmış Azərbaycan Kibertəhlükəsizlik Təşkilatları Assosiasiyasının üzvlüyünə qəbul edilmiş, və (TAEİX, ICT CEO MeetUp, Palo Alto Networks Bakı Kibertəhlükəsizlik Formu, GHWS) bir çox önəmli yerli və beynəlxalq tədbirlərin əsas iştirakçısı olmuşdur.

Kiber Təhlükəsizlik Platforması yarandığı ilk gündən bəri cəmiyyətimizdə kibertəhlükəsizlik və informasiya təhlükəsizliyi mövzusunda xüsusəndə dövlətimizin bu sahənin inkişafı yolunda atdığı addımlara dəstək vemrək adına birlik halında müxtəlif maarifləndirici layihə və tədbirlər həyata keçirmişdir. Laboratoriyanın əsas məqsədi və ideyaları yolunda atdığı addımlardan biri gənclərimizin inkişafına, onların təhsil və sosial həyatlarını səmərəli keçirmələrinə dəstək olmaqdır. Kiber Təhlükəsizlik Platforması günümüzün əsas və aktual mövzularından biri olan və dövlətimizdə bu sahənin gənclər yönümlü, onların inkişaf etməsi yönündə xüsusi tədbirlər və layihələr gerçəkləşdirməkdədir. Biz də bu layihənin bir parçası olmaq adına bu sahə üzrə təkmilləşmiş vətəndaşlarımızı bir beyin altında bif platforma nəznində bir araya gətirdik. Həqiqətən də cəmiyyətimizdə bu sahəyə marağın olması təbii ki, laboratoriyamızın sürətli bir şəkildə inkişafına şərait yaratdı. Platformamız hələ 2020-ci ildə ilk quruluş mərhələsində nəznində müxtəlif könüllü şəkildə kibertəhlükəsizlik dəsrləri keçirməyə başladı. Bu dərslər gənclərimizin xüsusilə bu sahənin sirlərini yeni mənimsəməyə başlayan gənclərimizin böyük marağına səbəb oldu. Auditoriyası yavaş-yavaş böyüyən Kiber Təhlükəsizlik Platforması sosial şəbəkə və sosial informasiya vasitələrinin daxilində platforma olma yolunda bu sahəyə marağı olan gəncləri ətrafına toplamaq adına Facebook sosial şəbəkəsi üzərindən ktlab#az bağlantısı altında ilk Facebook səhifəsini qurdu. Məlumdurki günümüzdə sosial media insanların yaşam və günlük həyatlarını keçirdiyi bir mühitə çevrilmişdir. Bununla yanaşı Kiber Təhlükəsizlik Platforması bu imkanları istifadə edərək daha çox gəncə bu sahənin sirlərini öyrədmək adına platformamızın Facebook səhifəsi üzərindən xüsusi maarifləndirmə məqalələri, dərsləri və kibermütəxəssislərlə görüşləri reallaşdırmağa başladı. Facebook səhifəmiz sürətli bir şəkildə insanların maraq dairəsi çərçivəsində fikir müzakirəsi edilən bir mərkəzə çevrildi. Sözü gedən sosial səhifəmiz üzərindən müxtəlif günlər və fərqli saatlarda və hər gün olmaqla maarifləndirici tədbirlər, xüsusi məqalələr, kiber məqalələr, kiber hücum xəbərləri, tədbirlər və tədbirlər daxilində xüsusi sualcavab günləri reallaşdırıldı. Gənclərimizin bir-birləri ilə məlumatların paylaşılması adına onların da laboratoriyamızda xüsusi bir imkanlarının olduğunu göstərən “sosial məlumat paylaşım platforması” adı altında hazl-hazirda 161 üzvü ilə gündən-günə artmağa davam edirik. Bu qrupun nəzinində könüllü gənclərimiz cəmiyyətimizin maariflənməsini hədəf tutaraq biliklərini bir-birləri ilə paylaşmağa başladılar. Bu paylaşımlar sayəsində gənclərimiz bildmədiklərini, yaranmış texniki xətaların həlli yollarını tapırlar. Gündən günə sürətli şəkildə böyüyən Kiber Təhlükəsizlik Platforması ölkəmizin 44 günlük müharibə müddətində düşmənin kiber təhdidlərinin qarşısını almaq yönündə əsasəndə kritik hərbi infrastrukturun qorunmasını, müharibə gedən ərazilərin deşifrə olmaması adına cəmiyyətimizdə xüsusi maarifləndirmə tədbirləri, ictimaiyyətə açıq kütləvi informasiya vasitələri sayəsində kiber hücumların düzgün müdafiəsi yönündə məlumatlar paylaşdı. Rəşadətli Azərbaycan ordusunun qələbəsi ilə yekunlaşasan zəfər yolunda gənclər olaraq biz də əlimizdən gələn dəstəyi səfərbər edirik. Bununla birlikdə gənclərimizin bu sahəyə marağı daha da gücləndi. Kiber Təhlükəsizlik Platforması’nın gənclərdən ibarət komandası sürətli şəkildə böyüməyə başladı. Könüllülərimiz müxtəlif layihələrimizə dəstək olaraq 70nəfərlik heyyəti , 12nəfərdən ibarət idarə heyyəti, 50nəfərlik könüllüsü, 2nəfər könüllülərimiz arasından seçilən təlimçi-müəllimləri ilə birlikdə platformamız tamamilə sosial online platforma olaraq ilk addımlarını atdı. Sürətli şəkildə böyüyən Kiber Təhlükəsizlik Platforması layihələr və proyektlərini artıraraq ilk Kiber Kafe həftəlik vebinar proqramına start verdi. Ölkəmizin çətin pandemiya dövründə yaranmış məhdudlaşmış iş və təhsil şərairindən istifadə edərək gənclərimizin virtualda vaxtlarını səmərəli keçirmələrini əsas tutaraq Kiber Kafe həftəlik vebinar proqramımızı gənclərimizin qarşısına təqdim etdik. Kiber Kafe Layihəmizin əsas məqsədi müxtəlif ölkələrdə təcrübə sahibi olan təlimçi mütəxəssisləri gənclərimizlə görüşdürüb onların təhsil və sosial həyatına dəstək olmaqdır. 15-22 aprel tarixlərində ilk vebinar həftəmizin qonağı Türkiyə Respublikasının tanınmış kiber mütəxəssisləri oldu. Qonaqlarımız gənclərimizə bu sahənin sirlərini, uğur qazanma yollarını və müxfəlif suallarını cavablandırdılar. Kiber Kafe layihəmiz cəmiyyətimizi bu sahəyə olan marağının qarşılanmasında xüsusi bir yerinin olmasını danılmaz amilə çevirdi. Kiber Kafe yə yaranmış kütləvi maraq bundan sonra da Kiber Təhlükəsizlik Platforması reallaşdıracaq tədbirlərini daha da inkişaf etdirilməsinə və Türkiyənin yanı sıra digər xarici ölkələrinin də mütəxəssisləri ilə görüşdürməyi qarşısına qoymuşdu. Hal-hazırda fəaliyyətini online sosial platforma olaraq davam etdirən laboratoriyamız ölkəmizə dəstək, vətənimizin müdafiəsi və digital sərhədlərimizi qorumaq yönündə rəşmiləşmək mərhələsini reallaşdırmaq üçün əlindən gələn bütün imkanları səfərbər edir. Kiber Təhlükəsizlik Platforması qurulduğu gündən bu günə qədər bütün gerçəkləşdirdiyi tədbirlər, layihələr, proqramlar, şəhidlərimizin bizlərə əmanət etdiyi üç rəngli bayrağını, qəhrəman vətəndaşlarımızın məlumatlı internet istifadəçisi olması yönündə hər zaman çalışdı və çalışacaqdır.